Un chal bien suave y delicáu texíu con filos luxosos de llana merino y seda en suaves tonos marrones y averdosaos de la escanda cuando entama a maurecer. tiñíes con tintes naturales.
Anguañu na veiga de Peñaflor (la veiga) hai unes cuantes hectaries semaes d’escanda, ya nel diseñu d’esti chal intenté espeyar la realidá d’estes tierres ente los meses de xunu y xunetu: la escanda ta maureciendo y nes veres hai una bayura d’otres plantes altes ya verdes, amás tamién hai tierres au floria’l trébole violeta y too rebordiáu pol azul del ríu Nalón que pasa sele de llau zarrando la veiga.
Los nuesos chales tán texíos coles fibres más delicaes y suaves tiñíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria p’arropanos delicadamente. Por cuenta la so finura puedes gastalu como bufanda o como chal sobre los hombros.
