Una bufanda persuave y delicada texida con filos luxosos de llana merino y de seda en suaves tonos corales qu’asemeyen a esos tonos acolorazaos de les mazanes.
Enllénaseme la boca de recuerdos al nomar Pumeda, nun ye solo un pueblu de les Regueres, tamién ye un llugar apegáu a Les Caldes onde escapábamos a xugar y charrar con Otilia la molinera. Anguañu ye un campu golf, pero nel mio maxín sigue siendo un paraisu de mazanes de color coloráu y coral, del tonu coral del corazón.
Les nueses bufandes tán texíes coles fibres más delicaes y suaves tiñies con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria, pa la nuesa piel delicada.
