Una bufanda persuave y delicada texida con filos luxosos de llana merino y de seda orgánico de la paz, en suaves tonos azules y marrones.
Entrilleru ye un llugar averáu al ríu Nalón que cuando hai una crecida fai una islla al dividise’l ríu en dos brazos. Puedo velo dende la mio ventana y tamién paseo per él nel branu. Los tonos de los regodones na llera xunto los tueros grandes que posen les riades, too armonizáu col azul del agua omnipresente, inspiráronme esta creación qu’espero vos guste.
La seda orgánico de la paz ye una seda que pal so procesáu espérase a que los guxanos completen la metamorfosis.
Les nueses bufandes tán texíes coles fibres más delicaes y suaves tiñies con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria, pa la nuesa piel delicada.