Nun mundu cada vegada más consciente de los problemes ambientales y éticos, creyemos que ye posible una llana meyor, una llana que nun seya namái suave al tactu, sinón que tamién tea llibre de sufrimientu animal, producida en condiciones llaborales xustes y que tenga un impautu ambiental mínimu.
Paz Mesa da rempuesta a esta filosofía, ufiertando una variedá de llana esceicional que cumple con estos estándares ensin comprometer la suavidá y la calidá que todos queremos.
Llana merino orgánico y ético
La nuesa llana merino certificao orgánico ye un testimoniu del nueso compromisu cola escelencia y la ética. Procedente de ganaderíes ecolóxiques que cumplen colos estándares rigurosos de calidá certificaos por GOTS, esta llana ta completamente llibre de mulesing y productos químicos perxudiciales. Pero eso nun ye too, tamién aseguramos que se respeten los drechos llaborales de les trabayadores y que se preserve’l mediu ambiente en cada fastera de producción. Cola nuesa llana merino certificao orgánico, puedes abrigate cola tranquilidá de saber que tas cuidando de ti y del mundu que t’arrodia.
Apoyando la ganadería merina autóctona y la economía local
La nuesa llana merino certificao provien d’oveyes merines certificaes y ye procesada por una cooperativa de ganaderíes ecolóxiques y estensives n’Estremadura. Esti esfuerzu nun garantiza solo la calidá esceicional de la nuesa llana, sinón que tamién contribuye a la preservación de la ganadería merina autóctona, la proteición del paisaxe y el fomentu de la economía local. En Paz Mesa, nun creyemos namái na escelencia, sinón tamién valoramos enforma la importancia de caltener tradiciones y formes de vida que dinamicen les zones rurales.
Rescatando una tradición centenaria: la llana Xaldo
Ún de los nuesos tesoros más preciaos ye la llana xaldo. Esta llana rústico y grueso provien d’oveyes xaldes, una raza autóctona asturiana de orixe celta que foi un pilar nel vistir de los asturianos durante milenios. Malpenes fai 25 años, esta raza taba al cabu la estinción, pero gracies a los nuesos esfuerzos y los d’otros ganaderos locales, la llana xaldo renació con bravén. Tanto’l filáu a mano fecho por mí, como la mecanización realizada nuna filatura pequeña en Cuenca, garantizen l’autenticidá y la calidá de cada fibra.
En Paz Mesa queremos ufiertar la meyor llana posible, producida de la meyor manera posible. La nuesa llana ye suave, cálida y cómoda, pero tamién ye ética y sostenible. Cada vegada que t’envuelves nuna prenda fecha coles nueses llanes, puedes facelo cola confianza de que tas contribuyendo a un mundu meyor pa toos.
