Depués d’años dedicaos a la texeduría y la preservación de la tradición testil, préstame anunciar el llanzamientu de la mio páxina web y tienda en llínea, pazmesa.art. Esti proyeutu representa un pasu significativu nel mio viaxe como texedora y na evolución de Paz Mesa.
Una ventana al mio mundu texíu a mano
En pazmesa.art tengo creao un espaciu onde nun vas poder namái mercar los mios productos testiles artesanales, sinón tamién conocer más sobre mí ya’l mio viaxe nel mundu de la texeduría. Equí, voi compartir contigo la historia detrás de cada pieza y la pasión que m’emburria a siguir texendo cada día.
En pazmesa.art tengo creao un espaciu onde nun vas poder namái mercar los mios productos testiles artesanales, sinón tamién conocer más sobre mí ya’l mio viaxe nel mundu de la texeduría.
Esplora y adquiere les nueses pieces testiles
Na tienda online pazmesa.art, vas atopar una variedá de productos texíos a mano qu’ellaboré con querer y procuru nos detalles. Dende bufandes y chales que van abrazate nos díes fríos hasta mantes que van acompañate nes nueches acoyedores, cada artículu ye una espresión del mio amor pola artesanía testil. Agora, vas poder esplorar y adquirilos dende cualesquier rincón d’España y Portugal.
L’arte de texer
Una de les carauterístiques que más m’emociona compartir contigo ye’l procesu de creación de les mios pieces testiles. Dende la eleición cuidadosa de les fibres hasta los misterios del telar y los toques finales que faen que cada pieza seya única. Quiero que veas cómo nacen los mios texíos artesanales y que sientas una conexón más fonda con cada filo que texo.
Sostenibilidá y compromisu local
El mio compromisu cola sostenibilidá y la responsabilidá na producción de testiles ye una parte fundamental del mio trabayu. En pazmesa.art, vas atopar información sobre l’orixe de les fibres que gasto. Enllename d’arguyu apoyar la llana asturiana xalda y otres llanes locales y de producción orgánica. Cada compra en pazmesa.art nun ye solo una adquisición de calidá, sinón tamién un actu de sofitu a la economía local y al respetu pol mediu ambiente.
