Xabón afieltráu con llana d’oveya xalda
La llana d’oveya xalda atopa nueves formes d’acompañanos na vida cotidiana al traviés d’estos xabones afieltraos artesanalmente.
Cada pieza combina un xabón ecolóxicu de lleche d’oveya y lanolina con una envoltura de llana d’oveya xalda, una raza autóctona asturiana en peligru d’estinción. Al amugase, la llana actúa como una nidia esponxa natural que xenera espluma, masaxa con procuro la piel y apurre una exfoliación llixera.
Amás de resultar amañosu d’usar, l’afieltrao protexe la pastilla de xabón y ayuda a que se peracabe de forma más uniforme, aprovechando y allargando la duración del xabón. La llana favorez un bon ensugáu ente usos y ameyora l’agarre, inclusive coles manos moyaes.
El so formatu compactu axunta xabón, esponxa y esfoliante nuna sola pieza, convirtiéndolo tamién nuna opción práctica pa viaxar.
Ellaboráu con materiales naturales y biodegradables, esti xabón afieltráu contribúi a revalorizar la llana d’oveya xalda y a averar a la nuesa vida diaria una materia prima amestada al patrimoniu ganaderu y cultural d’Asturies.
Un oxetu cenciellu qu’axunta artesanía, materia llocal y cuidáu cotidianu; una forma d’averar la llana d’oveya xalda a la nuesa vida diaria y redescubrir el valor de los recursos que nos ufierta’l territoriu.
Manera d’empléu: amugar con agua tibio y aplicar como esponxa dando un masaxe llixeru pa la hixene corporal.
Xabón ecolóxicu certificáu por Cosmos Organic.
