Axunta’l to propiu pequeñu fatáu de xabones de llana. Esti pack axunta trés pieces ellaboraes con llana d’oveya xalda nos sos trés colores naturales: blanca, negra y cardina (gris), amosando la diversidá estraordinaria d’una de les races ovines más antigües d’Europa y parte fundamental del patrimoniu ganaderu asturianu.
Cada xabón combina un xabón ecolóxicu de lleche d’oveya y lanolina con una envoltura de llana afieltrao qu’actúa como una nidia esponxa natural. Al amugase, la llana xenera una espluma prestosa, apurre una exfoliación llixera y protexe la pastilla de xabón mientres el so usu, ayudando a que se peracabe de forma más uniforme y allargando la so duración.
La coleición dexa apreciar la bayura cromática de la llana xaldo tal que lo ufierta la naturaleza, ensin tintes nin tratamientos qu’alterien el color propiu de la fibra. El blancu lluminosu, el marrón intensu y el característicu tonu cardinu conformen un pequenu mostrariu de la diversidá xenética d’esta raza, que la so recuperación y caltenimientu foi posible gracies al esfuerciu de ganaderos y asociación de criadores comprometíos col so futuru.
Amás d’axuntar xabón, esponxa y esfoliante nuna sola pieza, estos xabones de llana tán ellaboraos con materiales naturales y biodegradables, convirtiéndose nuna alternativa práctica y sostenible pal cuidáu diariu.
Presentaos en conxuntu, constitúin un regalu orixinal y una forma d’averase al patrimoniu llaneru asturianu, revalorizando una materia prima llocal que mientres sieglos formó parte de la vida cotidiana de les nueses comunidaes rurales.
Trés colores, trés oveyes, una mesma hestoria: la d’una llana esceicional trabayada p’acompañanos nos pequenos xestos de cada día.
Manera d’empléu: amugar con agua tibio y aplicar como esponxa dando un masaxe llixeru pa la hixene corporal.
Xabón ecolóxicu certificáu por Cosmos Organic.
