Una pieza que naz del alcuentru ente dos oficios artesanales fondamente venceyaos a Asturies: la cuchillería tradicional de Taramundi y el texíu artesanal de llana d’oveya Xalda.
Esta navaya ye frutu de la collaboración col artesanu cuchilleru Juan Carlos Quintana, de Taramundi, y surde de la busca de nueves formes de llevar la llana Xaldo a oxetos contemporaneos ensin perder el so venceyu col territoriu y col trabayu artesanal.
La fueya ta realizada n’aceru inoxidable y el mangu incorpora una micarta testil ellaborada a partir de texíu en telar de llana d’oveya Xalda, raza autóctona asturiana en peligru d’estinción.
La llana Xaldo puede presentase nos sos tonos naturales o tiñida con tintes naturales. Cada pieza tien asina la so propia combinación de color, polo que’l tonu y la veta del mangu pueden variar llixeramente al respective de les imaxes.
La resultancia ye una navaya d’usu qu’axunta dos oficios artesanales y dos materiales aparentemente bien estremaos: l’aceru y la llana. Una pieza contemporanea que pon en diálogu la tradición cuchillera de Taramundi cola texeduría en telar y la recuperación d’una raza ovina amestada al territoriu y a la cultura asturiana.
