Una manta texida en llana merino orgánico bien suave nel so tonu natural y llana merino estremeño tiñida con tintes naturales. Una manta pal sofá, pa los pies de la cama.
La Carbayeda ye una fastera de Bolgues (Les Regueres) au naturalmente habría un monte de carbayos, pa los antiguos astures esti yera un árbol sagráu ya los sos montes yeren dedicaos a dioses como Lug, dios de la lluz ya los cielos. Nesta manta maxiné la vista d’un carbayal na seronda dende una nube, los trazos de la nube blanca tapen les fueyes doraes pero a cachos puedes ver tol coloríu.
Les nueses mantes tán texíes con llana merino estremeña y llana merino orgánico persuave tiñíes con tintes naturales, que t’arropen y caricien con suavidá.
