Esti chal combina’l rellumu delicáu de les fibres d’alga cola riqueza visual d’unos filos de seda texturaos ya irregulares, que los sos cambeos naturales de grosor apurren relieve, movimientu y calter al texíu.
La presencia d’estos filos de seda, llixeramente más gruesos, da llugar a un chal con mayor cuerpu y una cayida envolvente, calteniendo coles mesmes una prestosa suavidá al contactu cola piel. Tiñíu con tintes orgánicos en nidios matices d’azul agrisao, verde y delicaes notes ocres, recueye los colores del mar y de les algues qu’inspiren esta colección. Pensáu para acompañar los momentos frescos del branu, apurre abrigu llixeru y una elegancia natural.
Una pieza lluminosa y serena que convida a sentise cómoda, protexida y conectada cola guapura de los materiales que lu componen.
