El ocle forma parte de la memoria de la marina asturiana. Mientres sieglos, les algues que'l mar depositaba nes sableres fueron recoyíes poles comunidaes costeres y utilizaes principalmente como abonu para los cultivos.

Nuna tierra onde l’aprovechamientu de los recursos naturales yera esencial, el ocle contribuyía a arriquecer los suelos agrícolas y establecía un venceyu constante ente’l mar y la tierra.

A finales del sieglu XIX y entamos del XX, la recoyida d’algues adquirió una nueva dimensión económica. Determinaes especies empezaron a utilizase na industria farmacéutica, alimentaria y química pola so riqueza en compuestos naturales como los alginatos. En munchos pueblos de la marina asturiana, la recoyida y l’ensugáu del ocle llegaron a formar parte de l’actividá cotidiana y del paisaxe humano de la marina.

Güei, esa conocencia resurde tresformada.

La colección OCLE naz d’esa relLación histórica col mar, reinterpretada dende l’artesanía testil contemporánea. Los filos utilizaos vienen de fibres llograes a partir d’algues recuperaes como subproductu de la industria cosmético, dando xuna nueva vida a un material que sigue formando parte de la nuesa redolada, pero qu’agora atopa una espresión distinta al traviés del texíu.

La coleición al completu

Libre de mulesing

Libre de mulesing

Por razones de bienestar animal tola llana qu'emplego ta llibre de mulesing col envís de que nengún animal sufra por cuenta la moda.
Ensin Superwash

Ensin Superwash

Por razones medioambientales y de salú nun gastamos llana con esti tratamientu, lo que-y permite conservar les sos propiedaes.
Tintes naturales

Tintes naturales

Fibres testiles tiñíes siguiendo téuniques sostenibles y utilizando mayormente plantes y árboles del mio entorno.

Guapura eterna

Estes fibres tienen un rellumu sutil, cercanu al de la seda, y una suavidá sorprendente que tresforma tanto la esperiencia del texíu como la de quien visti cada pieza. Son filos que respuenden de manera escepcional al tiñíu con tintes naturales y al trabayu en telar, dexando que los colores s’integren con fondura y matices únicos.

Cada chal ta tiñíu con tintes naturales y texíu artesanalmente en telar, pieza a pieza, respetando los tiempos del oficiu y la singularidá de cada procesu. La resultancia ye una coleición que conecta pasáu y presente: fibres que vienen del mar, colores que nacen de la tierra y manos que siguen trabayando cola mesma dedicación de siempre.

OCLE ye una invitación a volver mirar lo que yá taba ende. A afayar la guapura d’un recursu humilde que mientres xeneraciones formó parte de la vida cotidiana de la marina asturiana y que güei torna convertíu en texíu, memoria y paisaxe.