Priorizo la proximidá de les fibres testiles, procesos de producción inocuos, condiciones llaborales dignes y el bienestar animal.
Nos mios texíos únicamente utilizo fibres 100% naturales, sobre manera la llana por motivos culturales y mediuambientales, amás de poles sos escelentes propiedaes; el llinu que cuenta con una llarga historia de producción n’Asturies, tal y como atestigüen los diferentes topónimos que dan cuenta de la so importancia histórica; y la seda, ún de los materiales más delicaos del sector testil.
Siempres que ye posible, texo con fibres de proximidá de proyeutos llocales y/o de producción orgánica. Y cola llana del mio propiu rebañu d’oveya xalda, la raza autóctona asturiana d’orixe celta que foi utilizada durante milenta años nel territoriu d’Asturies, y que güei s’alcuéntra en peligru d’estinción.


La llana ye una fibra suave y esponxosa conocida pola so capacidá pa caltener el calor y regular la temperatura corporal. El llinu ye una fibra fuerte y resistente caracterizada pola so capacidá d’absorber la humedá y mantener la frescura. Pola so parte, la seda ye una fibra suave y llisa conocida pola so suavidá y brillu, con propiedaes que la faen llixera y trespirable.
Llana de proximidá
Pensamos que podemos algamar una llana de mayor calidá, ensin causar sufrimientu a los animales y reduciendo al mínimu l’impautu nel mediu ambiente, ensin comprometer la suavidá.
La meyor llana ye la que ta fecha de la meyor manera. La llana qu’ufierta una sensación de plenitú cuando la toques, la güeles, la texes y la uses. Entama na propia crianza de les oveyes y, de siguío, con una seleición cuidadosa de tipos de filo.


Fibres sostenibles
Toles llanes de Paz Mesa tan llibres de mulesing y de tratamientu superwash.
Apostamos por trabayar, siempre que ye posible la so obtención, con fibres orgániques, puesto que solo asina tenemos garantía total de que’l productu final cumple con toles condiciones que consideramos necesaries pa crear testiles d’alta calidá y de forma ética y solidaria.

