Tolos mios texíos tán tiñíos con tintes naturales, llibres de sustancies químiques tóxiques y metales pesaos.
Siempre que ye posible texo con fibres de proximidá de proyectos llocales y/o de producción orgánica. Y cola llana del mio propiu rebañu d’oveya xalda, la raza autóctona asturiana d’orixe celta que foi utilizada durante milenta años nel territoriu máxicu d’Asturies, y que güei s’alcuentra en peligru d’estinción.
Tolos mios texíos tán tiñíos con tintes naturales, llibres de sustancies químiques tóxiques y metales pesaos. Aplico procesos totalmente sostenibles ya inocuos tanto pa mí a la hora d’ellaboralos, como pal mediu ambiente y los consumidores.
Cada pieza testil foi texida una a una de forma lenta y minuciosa nos mios telares manuales. Ellabórense con esa calma que precisa’l trabayu artesanal. Pieces que perduren nel tiempu, delicaes y acoyedores, que nos arropen con suavidá.
Cuidamos el planeta
Llibre de Mulesing
Ensin Superwash
Tintes naturales
Por un mundu meyor
Camiento qu’una producción más xusta y sostenible ye imprescindible pa construyir un mundu meyor. Poro cuidamos tolos detalles, dende l’orixe y producción de la materia prima, pasando pol tiñíu y texíu del productu hasta l’empaquetáu.
Los colores de la naturaleza
Ellaborar los mios tintes apúrreme una llibertá total pa crear una gama de colores infinita, con un brillu, armoníes y matices únicos.
Somorguiase na esperiencia de los mios texíos ye descubrir una conexón fondera colos colores y matices que la naturaleza texó a lo llargo los sieglos. Caún de los mios filos ye un llenzu en blanco que se tresforma nuna paleta infinita de colores al traviés de los tintes naturales qu’ellaboro con procuru.
La ellaboración artesanal de los mios propios tintes ye un actu de creación. Ye un viaxe hacia la esploración de tonos únicos, brillos sutiles y armoníes que namái la naturaleza puede apurrir. Cada planta qu’escueyo, ya sea del mio güertu, d’elementos desechaos o coyíes na rodiada, caltién nes sos fueyes y raigaños secretos que desplieguen una sinfonía de colores.
Cuando les plantes agoten la so capacidá pa teñir, nun se desperdicien; nel so ciclu completu, vuelven al güertu como abonu, zarrando el círculu de vida y sostenibilidá.
Cada texíu tiñíu ye’l resultáu d’un procesu lentu y cuidadosu, una danza ente les fibres y los tintes que s’entrellacien pa crear una pieza d’arte funcional. Esti procesu nun ye solo esencial p’algamar l’autenticidá de los colores, sinón tamién pa capturar la esencia mesma de la naturaleza en cada texíu.
Cada vegada que t’envuelves nún de los mios texíos, tas cariciando la belleza de la naturaleza na so forma más pura. Ye una esperiencia que va más allá de la estética, ye un abrazu a la historia de la Tierra y a la maxa de los sos colores.
El procesu de teñir necesita de dellos díes pa consiguir que seya esitosu y llograr una alta calidá por mor de los tiempos de reposu de las múltiples cocciones.
Los mios colores tienen una bona resistencia a la lluz y a los llavaos; pa ello, utilizo téuniques de tinción reconocíes pola so resistencia y solidez.
L’arte de filar
Nes mios creaciones testiles combinamos filaos mecanizaos con filaos realizaos de forma artesanal.
Los filaos artesanales proporcionen una textura y brillu únicos. Permítenme realizar mecedures de fibres con distintos matices tocante a coloríu, suavidá y testura de forma infinita y con un resultáu final nel texíu únicu.
Por eso, dalgunos de los mios texíos lleven los mios filaos manuales.
