L’artesanía testil y l’anovación sostenible atoparon un puntu d’alcuentru nel proyectu européu Culturality, una iniciativa liderada pola Universidá d’Uviéu que busca conectar el diseñu, la tradición y l’esperimentación con nuevos materiales. Gracies a esti proyectu, tuvi la oportunidá de collaborar col profesor Pedro Carvalho de Almeida de la Universidá d’Aveiro, con quien desenvolvemos dos prototipos de calzáu ellaboraos con texíos de llana d’oveya xalda y suelas fabricaes con materiales naturales y biomateriales anovadores.
La oveya xalda: de la febra tradicional a la anovación testil
La llana d’oveya xalda, una raza autóctona asturiana, dexó d’utilizase na estaya testil nes caberes décades debíu al despoblamientu rural. Sicasí, la so resistencia, capacidá termoaislante y propiedaes antibacterianes conviértenla nun material con un gran potencial na moda sostenible. Dientro del proyectu Culturality, utilizamos esta llana pa desenvolver texíos que pudieren integrase nun calzáu funcional y ecolóxicu.
La unión entre artesanía testil, diseño y biomateriales amuesa que ye posible anovar dende lo llocal, tresformando materiales tradicionales como la llana xaldo en propuestes sostenibles y funcionales pa el futuru de la moda
Diferentes prototipos de calzáu: zapatos y zapatilles con materiales naturales
El procesu de diseñu y fabricación dio llugar a dos prototipos distintos de calzáu:
- Zapatos: Con un diseño estructuráu y elegante, nel que la llana xaldo aporta calidez y confort.
- Zapatilles: Llixeres y flexibles, pensaes pal día a día.
En dambos modelos, apostóse por una producción responsable, embriviendo l’impactu ambiental y maximizando l’usu de materiales orgánicos y reciclaos.
Les sueles: materiales naturales y biomateriales de última xeneración
Unu de los aspeutos más anovadores del proyectu foi la esperimentación con sueles fabricaes a partir de materiales naturales y biomateriales, en collaboración con Laboratorio Biomimético. Emplegáronse:
- Café recicláu: Proporciona llixereza y resistencia.
- Cáscara d’arroz: Un subproductu agrícola qu’aporta flexibilidad.
- Corcho: Material sostenible con propiedaes amortiguadores y térmiques.
- Biomaterial de pulgu de castaña: Desarrolláu por Laboratorio Biomimético, esti material anovador busca sustituyir componentes sintéticos con una alternativa biodegradable y d’orixe natural.
Anovación y tradición: un caminu pal futuru del calzáu sostenible
Esti proyectu demostró que la unión ente artesanía testil, diseñu y biomateriales puede dar llugar a nueves soluciones na moda sostenible. La llana xaldo, un material venceyáu a la tradición asturiana, atopó un nuevu propósitu nel diseñu de calzáu, mientres que la esperimentación con sueles naturales abre la puerta a alternatives ecolóxiques frente a los materiales convencionales.
El trabayu realizáu dientro del proyectu Culturality non solo reivindica l’artesanía como un campu d’anovación, sinón que tamién refuerza la importancia de la collaboración ente distintes disciplines y territorios pa impulsar un futuru más sostenible.
