Información sobre’l llaváu
Toles nueses prendes pueden llavase. Por favor, pa facelo sigue los siguientes conseyos.
Los cuidaos asemeyen a los que se realicen con una prenda delicada, como un xersei de llana o un chal de seda. Pa consultar cualesquier duda pueden dirixise a: hola@pazmesa.art
1. Temperatura
Primero tien de meter la prenda n’agua. La temperatura del agua debe ser tibio-fresco. Nun debe sometese la pieza a cambios bruscos de temperatura pa evitar que la pieza encueya.
Hai qu’usar siempres un xabón neutro pa llavar a mano.
2. Esclarar
Durante l’esclarao puede añadir nel agua namái unes poques gotes de suavizante, nun abusar del mesmu. El llaváu y l’esclaráuo tienen de facese col agua a la mesma temperatura y nunca escurrir o estruyar la pieza.
Depués del esclaráu, si quier eliminase dalgo d’agua ye perimportante nun retorcer les prendes. Pa eliminar l’escesu d’agua pue envolver con suavidá la prenda nuna toalla.
3. Tender
Les pieces tienen que tendese a la solombra en llano pa que sequen a l’aire.
Nunca colgala en vertical garrándola con pinces, les prendes pesen muncho por cuenta l’agua al acabar de llavar polo qu’hai que manipulales con cuidáu y, sobre manera, nun colocales verticalmente.
4. Planchar
Les pieces pueden planchase a temperatura medio, utilizar una tela ente la pieza testil y la plancha, y siempres nel sentíu vertical de la pieza que suel coincidir col urdoriu y ensin calcar.
5. Cuidaos especiales
Cualesquier prenda de Paz Mesa, sobre manera si son de gran tamañu, alfombres, colches, manteles, cortines, cuando se recoloquen pal usu diariu, nunca tirar con fuercia de los bordes, al ser un texíu fecho a mano hai que manexalo con cuidáu.
Como cuidáu específicu pa los coxinos si dalguna vegada fai falta llavalos, ye indispensable sacar la funda col rellenu interior enantes. Pa sacalo, tenga cuidáu con nun forciar los estremos de l’abertura.