Una bufanda persuave y delicada texida con filos luxosos de llana merino y de seda en tonos ocres con predominiu en distintes tonalidaes de verde inspiraes nel color de la escanda en primavera.
A lo postrero la primavera la escanda yá medró con una espiga naciente esperando engordar colos rayos del branu. Col aire el mover sele de les plantes espeya’l sol y surden distintos tonos de verde qu’inclusive pueden averar al mariellu. Cantábalo yá Pessoa: “Verdes são os campos, de cor de limão, assim são os olhos do meu coraçao”.
Les nueses bufandes tán texíes coles fibres más delicaes y suaves tiñies con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria, pa la nuesa piel delicada.
