Una bufanda persuave y delicada texida con filos luxosos de llana merino y de seda en tonos azules grisáceos y violetas. Pandiella yera un sitiu perespecial pa mí, como indica la toponimia ye una fastera pindia averada a Les Caldes au solía dir xugar. Les mores de los escayos ya los matos de romero cerca de la caleya inspiráronme a escoyer estos colores de los mios recuerdos.
Les nueses bufandes tán texíes coles fibres más delicaes y suaves tiñíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria, pa la nuesa piel delicada.
