Un chal bien suave y delicáu texíu con filos luxosos de llana merino y seda en tonos marrones y averdosaos.
A vegaes nun trato de buscar la inspiración nún sitiu concretu sinón dibuxar cola mente un llugar ideal pero xenéricu, nesti casu un valle, coles sos ondes, los sos árboles dixebrando praos, el sol que pega nes tierres de llabor y tola bayura que guarda de vida y cultura.
Los nuesos chales tán texíos coles fibres más delicaes y suaves tiñíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria p’arropanos delicadamente. Por cuenta la so finura puedes gastalu como bufanda o como chal sobre los hombros.
