Esti coxín de la Colección Xalda ta texíu dafechu con llana xaldo 100%, una fibra autóctona asturiana que mientres sieglos vistió y abrigó a les comunidaes rurales d’Asturies. Parte de los filos tán filaos a mano, apurriendo testura y autenticidá a la pieza, nos tonos marrones naturales que reflexen la diversidá cromática de les oveyes d’esta raza, dende marrón escuro hasta gris canu y tonos cardinos.
La llana xaldo, referencia na hestoria d’Asturies, yá yera citada por autores clásicos como Estrabón y recoyida nel Edictum Diocletiani como “llana asturicensis”. Los astures, habitantes orixinarios, vistíen sagus de llana prieto, el color xenuinu de les sos oveyes, reivindicando’l so venceyu ancestral cola tierra. El coxín Tierra celebra esa herencia y güel a hestoria viva, un homenaxe al paisaxe y a los conocimientos tresmitíos de xeneración en xeneración.
