Un chal bien suave y delicáu texíu con filos luxosos de llana merino y seda en tonos acolorazaos y llixeramente averdosaos.
El mazarrón ye un terminu gastáu pa falar del color coloráu óxidu, nun vos miento si digo que foi ún de los primeros colores utilizaos pola humanidá y que continúa tando na vida diaria de munches cultures tradicionales. La idea ye la teya que veo dende una ventana del taller, son teyes vieyes artesanales con distinta tonalidá de coloráu y tamién con dalguna planta pequeña que naz ente elles. Intento espeyar esta “fotografía en filos” que ye ún de los mios chales favoritos.
Los nuesos chales tán texíos coles fibres más delicaes y suaves tiñíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria p’arropanos delicadamente. Por cuenta la so finura puedes gastalu como bufanda o como chal sobre los hombros.
