Un chal bien suave y delicáu texíu con filos luxosos de llana merino y seda en tonos marrones y averdosaos con un lligamentu qu’asemeya unos furacos pequeños.
Villar son dos cases na cuesta del monte Cimeru que pertenecen a la parroquia de Valdunu. Miren pal sur siendo persoleyeres y ye una fastera de roca calizo. Too esto intenté espeyalo nesti chal nel que la testura asemeya pequeños furacos como los que sueles topar nestes zones d’erosión calcaria, al mesmo tiempu los matos ya la vexetación tiren pal marrón ya’l verde apagáu.
Los nuesos chales tán texíos coles fibres más delicaes y suaves tiñíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria p’arropanos delicadamente. Por cuenta la so finura puedes gastalu como bufanda o como chal sobre los hombros.
