L’Aguañaz ye un chal que naz d’esa primer agua qu’asoma a lo cimero’l monte, cuando’l manantial ruempe la piedra y entama a dibuxar un calce. Los sos tonos azules y averdosaos asemeyen los regueros que s’esmucen ente raigaños, mofos y fueyes, llevando frescor y vida a la viesca asturiana.
Texíu a mano en telar con llana merino ecolóxico y tiñío con tintes naturales, L’Aguañaz conecta’l xestu d’abrigase col ciclu del agua que caltién los montes. Igual que los raigaños de los árboles retienen la humedá y alimenten fontes y regueros, cada febra d’esti chal guarda la memoria de l’agua qu’acompañó’l procesu de filáu, tiñíu y llaváu.
Nos montes de Asturies, l’agua que naz a lo cimero fíltrase, desapaez y vuelve apaecer, formando manantiales, regueros y ríos que dieron forma a valles y caminos. L’Aguañaz quier rindir homenaxe a esi viaxe silenciosu de l’agua, proponiendo una pieza única, suave y llixera, qu’envuelve’l cuerpu cola mesma delicadeza cola que’l regueru arrodia les piedres y riega la vida de la viesca.
