Bidul ye un chal de llana merino y seda, texíu a mano en telar y tiñíu con fueyes de bidul recoyíes na redolada del mio taller. Los sos matices verdosu y doráu recuerden la lluz colándose pente los árboles y el rellumu delicáu de la corteza del bidul, esi árbol claro y flexible qu’acompaña a los pueblos de Asturies dende antiguu.
El bidul ye un árbol venceyáu a la claridá, a la renovación del monte y a los saberes tradicionales que xuníen a les comunidaes cola so redolada. Esti chal quier rindir homenaxe a esa mirada: al árbol humilde y lluminoso que da solombra, medicina, madera llixero y tamién color pal texíu.
El nome Bidul ye un topónimu d’orixe celta que s’atopa nel mio conceyu, el topónimu fai referencia a un llugar de bayura de bidules y celebra’l venceyu ente’l tinte natural, el territoriu y la memoria de los oficios artesanos.
Cada pieza téxese de forma individual, polo que les variaciones de tonu formen parte del so calter únicu, como les vetes d’un tueru vivu.
