Una bufanda persuave y delicada texida con filos luxosos de llana merino y de seda en tonos ocres, marrones y acolorazaos inspirados nes tonalidaes de la escanda n’agostu cuando yá ta madura llista pa cosechar.
N’agostu la escanda ta yá prepaparada pa coyer asemeyando y tornando los colores del sol. N’esta creación intenté espeyar tamién nun solo les espigues sino los tonos de les veres de les tierres y quiciaves tamién una fina referencia a dalgo de la so historia nos llaterales de la bufanda con un tonu bermeyu que nos lleva a la edá media cuando pagaben les rentes con esti cereal.
Les nueses bufandes tán texíes coles fibres más delicaes y suaves tiñiíes con tintes naturales: filos de llana merino entemecida con seda, llinu, seda orgánico de la paz qu’apurren una cayida, rellumu y suavidá estraordinaria, pa la nuesa piel delicada.
