La tresmisión al traviés de cursos, talleres y demostraciones permítenme realizar l’espardimientu del mio oficiu.
Nun se pue valorar lo que nun se conoz, poro tresmitir l’oficiu ye fundamental pa garantizar nun solo la supervivencia del mesmo, sinón tamién cola finalidá de que la sociedá comprenda’l valor de la artesanía dientro de la cultura d’un territoriu como Asturies.
Poro, a lo llargo del añu, en diferentes époques doi cursos y talleres rellacionaos cola texeduría en telar, el procesáu de la llana y la tintorería natural.
Los cursos de Paz Mesa
Texeduría en telar
Procesáu de la llana
Tintorería natural
L’alma de l’artesanía
La ellaboración d’un productu artesanal requier una implicación totalmente personal de les artesanes: la so visión particular de la vida, la enerxía qu’imprime, l’alma del productu, asína como la belleza intrínseca que implica daqué fecho a mano, un productu inimitable pa la industria.
El valor de la tradición
Los mios cursos permiten conocer los diferentes aspeutos de l’oficiu nun entornu tradicional onde la creatividá s’axunta cola naturaleza.
Nel nueso entornu rural, los oficios testiles representen una parte esencial de la nuesa identidá. Creemos na importancia de preservar y compartir esti conocimientu ancestral. Los nuesos cursos nun se centren namás nes habilidaes téuniques, sinón tamién na conexón cola naturaleza y la historia d’Asturies.
Convídote a somorguiate nel mio mundu. Vas deprender a manexar diferentes tipos de telares y a crear pieces testiles úniques demientres conectes cola paciencia y la creatividá que desixe esta antigua forma d’arte.
