La reguerana recueye esta tarde’l galardón Verdes Valles Asturianos’ nel nuevu teatru de La Felguera, pol so apueste pola innovación dende’l mundu rural, partiendo de la tradición
Paz González Mesa con oveyesEsther Martínez/ Les Regueres
L’artesana reguerana Paz González Mesa, que dende la so casería de Puerma lidera un proyeutu de recuperación de llana de oveya xalda, recibe esta tarde nel Nuevu Teatru de La Felguera el premiu Verdes Valles Asturianos’ qu’otorga la Fundación Marín Gutiérrez Suárez. El galardón ye concedíu pol trabayu d’innovación dende la tradición que desenvuelve González Mesa dende’l mediu rural asturianu. Pa l’artesana de Puerma, el premiu supon «un momentu bien especial», yá que ye una reconocencia «a un proyeutu que naz del amor pela tierra, la tradición y l’innovación nel mediu rural. Trabayar cola llana d’oveya xalda, nun representó un pasu tras, sinón un saltu escontra lo esencial: texer con ella futuru, identidá y sostenibilidá. Gracies a quien acompañaron esti camín, a quien creen que’l mundu rural tien enforma que dicir nel sieglu XXI. Esti premiu ye tamién un impulsu pa siguir creando, enseñando y suañando dende lo pequeñu y lo artesanal».
