Na artesanía y la gastronomía, cada material y cada ingrediente cunten una hestoria. Cuando estos dos mundos se funden, la resultancia ye una esperiencia sensorial única que va más allá de lo visual y lo gustativo.
Tuvi l’honor de collaborar col chef Pedro Martino nun proyectu especial nel qu’el mio trabayu artesanal con llana d’oveya xalda integróse na presentación d’un platu de corderu cocináu na mesa. El resultáu foi una bola de llana cardao, procesada y trabayada a mano, qu’acompañó la degustación y reforzó la conexón ente’l productu y el so orixe.
La combinación de la llana cardao y el platu de corderu ye un homenaxe a la conexón ente’l territoriu, el productu y la creatividá. Una forma d’amosar que la tradición non solo se caltién viva, sinón que puede reinventase y atopar nuevos caminos pa emocionar.
La oveya xalda: febra, hestoria y tradición
La oveya xalda, raza autóctona d’Asturies, ye parte d’una herencia que merez ser caltenida. La so llana, rústica y natural, foi subestimada a lo llargo de les caberes décades, pero tien un gran potencial tantu nel mundu testil como na esperiencia sensorial.
Pa esta collaboración, tomé la llana de les mios oveyes, llavéla, cardéla y proceséla a mano hasta formar una bola compacta y nidia al tactu. Más qu’un simple oxetu, esta pieza buscaba representar el ciclu natural del corderu: dende la so redolada y la so fibra hasta’l so papel na gastronomía local.
Una experiencia sensorial na mesa
L’oxetivu yera que la llana non solo sirviera como un elementu decorativu, sinón qu’añadiera una capa sensorial a la esperiencia culinaria. Cuando los comensales tocaben la bola de llana, sentíen la testura orixinal del animal, estableciendo una conexón directa cola materia prima enantes de tastiar el platu.
Esti tipu de detalles convierten una comida nuna hestoria, nun relatu que s’esperimenta con tolos sentíos. Al igual que na cocina de Pedro Martino, onde cada ingrediente tien un significáu, na artesanía cada febra y cada procesu manual reflexen un valor cultural y emocional.
Reivindicando l’artesanía na alta cocina
Collaboraciones como esta recuérdennos que l’artesanía tien un papel fundamental na anovación ensin perder la so esencia. La llana xaldo, vista como un material ensin usu dende va delles décades, revalorízase equí como un vehículu pa la memoria y l’identidá.
La combinación de la llana cardao y el platu de corderu ye un homenaxe a la conexón ente’l territoriu, el productu y la creatividá. Una forma d’amosar que la tradición non solo se caltién viva, sinón que puede reinventase y atopar nuevos caminos pa emocionar.
