El Riegu ye un coxín artesanal texíu en telar con llana xaldo orgánica nel so tonu natural marrón y llana merino extremeña tiñida con tintes naturales, inspiráu nes curves que dibuxen los regueros al baxar polos praos y vegues de Les Regueres, el mio conceyu.
La so testura y dibuxu recuerden el fluyir de l’agua sobro la tierra, un motivu que conecta la pieza col paisaxe que-y da nome.
Ta texíu con llana xaldo nel so tonu natural, la llana autóctona asturiana que vuelve tener valor gracies al trabayu de les artesanes y ganaderes que la caltienen viva.
Al escoyer esti coxín contribuyess a caltener esta raza d’oveya autóctona y a sostener un modelu de producción local y respetuosu cola redolada.
Cada pieza téxese de manera artesanal nel mio taller n’Asturies, siguiendo un procesu lentu, consciente y enllenu de significáu.
